Сөйлесу (Диалог)

Диалогта сұрақ / жауап / қарсы сұрақ / сөйлеушілердің көңіл-күйі, реакциясы (сөзбен берілмейтін) болады. Диалогтар қысқа (2-3 сөйлем) және «мазмұнды» яғни ұзын болуы мүмкін.

Диалогта келесі айтылғандар орын алады:

• Фразаларды, сөйлемдерді аяқтамау;
• Сөздің орнына қимыл, жест, мимика қолдану;
• Тек қана ауызекі сөйлеу барысында қолданылатын сөздерді қолдану.

Мысалдар (Примеры)

— Айгерім, ұлттық мұражай туралы қандай пікірдесіз, қандай әсер алдыңыз ?
— Қай елде болсын ұлттық мұражайлардың орны ерекше ғой. Себебі, мұражайлар халыққа, сондай-ақ шетелдік қонақтарға тарих, мәдениет туралы, материалдық және рухани құндылықтар туралы танымдық ақпараттар береді. Маған ұлттық мұражай өте ұнады. Мен ұлт тарихына байланысты өзім білмейтін көптеген мәліметтер естідім.
— Сіз үшін қандай экспонаттар таңсық болды?
— Мен үшін киіз үй және оның ішкі жабдықтары, ұлттық музыкалық аспаптардың түрлері, ұлттық киімдер, зергерлік бұйымдар таңсық болды.
— Сіз киіз үйді мұражайдан бірінші рет көрдіңіз бе?
— Жоқ, мен киіз үйді бұрын көргенмін. Бірақ мен оның құрылысы, ішкі жабдықтары туралы жақсы білмейді екенмін. Мен киіз үйдің көшпелі өмірге аса ыңғайлы екеніне көз жеткіздім.
— Сізді мұражайда тағы не қызықтырды?
— Жалпы, қазақ халқының мәдениетінде ерекше әсерлі нәрселер көп. Ұлттық киімдері соншалықты салтанатты. Әйел адамдардың зергерлік бұйымдарын нағыз шеберліктің үлгісі дер едім.
— Жақсы, сіздің ұлттық мұражай және қазақ мәдениеті туралы пікірлеріңіз бізді аса қуантады. Сіздің жылы лебізіңізге көп рақмет!


— Кешіріңіз, Алматыға дейін ұшақ неше сағат ұшады?
— Ұшақ Алматыға дейін 1 сағат 20 минут ұшады.
— Ұшақ жолда қонады ма?
— Ұшақ жолда қонбайды.
— Ұшаққа бір билет бар ма?
— Сізге қай күнге керек?
— Маған ақпанның он бесіне, кешкі уақытқа керек.
— Ақпанның он бесінде Қарағандыдан Алматыға 9Ү 723 рейсі ұшады. Осы ұшаққа билет бар. Аласыз ба?
— Алматының ауа райы туралы қайдан білуге болады?
— Ұшақ қонуға бет алғанда стюардесса хабарлайды.
— Ұшаққа өзіммен бірге неше кг жүк ала аламын?
— Өзіңізбен бірге 10 кг жүк ала аласыз. Қалған жүгіңізді Алматының жол жүгі бөлімінен аласыз.
— Менің бірінші рет ұшаққа отыруым еді. Егер ұшақта жүрегім айныса, гигиеналық пакет керек болса, не істеуіме болады?
— Егер ұшақта жүрегіңіз айныса, стюардессаны шақыруға болады. Ол сізге минералды су мен гигиеналық пакет береді.
— Ұшақтың билеті неше теңге тұрады?
— Ұшақтың билеті 15000 теңге тұрады.
— Ұшаққа отырғызу сағат нешеде басталады?
— Ұшаққа отырғызу сағат бесте басталады.
— Билетті қай кассадан ала аламын?
— Билетті екінші кассадан ала аласыз.
— Берген мәліметіңізге көп рақмет.


— Сәлем. Астанада қандай мұражайлар бар?
— Қайырлы күн. Елордада көптеген мұражайлар бар. Мысалы: Сәкен Сейфуллин атындағы мұражай, Қазақстан Республикасы тұңғыш елбасының мұражайы, Президент орталығының мұражайы және өнер мұражайы бар.
— Өнер мұражайы қайда орналасқан?
— Ол Республика даңғылында орналасқан.
— Мұражай қашан ашылды?
— 1980 ж. 2 қазанда ашылған.
— Көрме дегеніміз не?
— Көрме - өнер мерекесі.
— Мұражайда жыл сайын неше көрме ұйымдастырылады?
— Жыл сайын 50-ден астам көрме ұйымдастырылады.
— Қандай суретшілердің көрмелері жиі өткізіледі?
— Алматы қаласынан А.Қазғұлов, Тараздан М.Рахимжанов, Семейден Г.Мақарова, Көкшетаудан Н.Огнеребко сияқты суретшілердің көрмелері өткізіледі.
— Балаларды өнерге қызықтыру мақсатында қандай көрмелер өткізіледі?
— "Мен өз қаламды сүйемін", "Менің жанұям", "Жаңа елорданың тустері", "Әрқашан күн сөнбесін" және тағы басқалар.
— Саған өнер мұражайы ұнайды ма?
— Иә. Маған ұнайды.